တီႈပွင်ႇ ဢူၺ်းၵေႃႉဢၼ်ၸႅတ်ႈၸၢင်ႇ
ၶဝ်ဢမ်ႇၸႂ်ႈၵေႃႉႁၵ်ႉသူသေတႃႉ
ၶဝ်ပွင်ၸႂ်ပၼ်သူလႆႈၼမ်လိူဝ်ပိူၼ်ႈတေႉတေႉယူႇ။
ၶဝ်ဢမ်ႇၸႂ်ႈၽူႈလူင်ႉလႅၼ်ႇၽၢႆႇပၼ်တၢင်းၶႆႊၸႂ်သေတႃႉ
သင်မီးလွင်ႈလူဝ်ႇမႃးတေႉတေႉၸိုင်
ၶဝ်ၼႆႉ ပဵၼ်ၽူႈၵိူဝ်းၵုမ်လီ လႄႈ ႁပ်ႉထွမ်ႇသဵင်ႁူဝ်ၸႂ်သူလႆႈ တဵမ်ထူၼ်ႈယူႇယဝ်ႉ။
ၶဝ်ဢမ်ႇၸႂ်ႈၽူႈၶႅင်ႇသူသေတႃႉ
ထဵင်ၶဝ်လႆႈ၊ ၶိုၼ်ႈသဵင်တေႃႇၶဝ်လႆႈ လႄႈ ၵႂၢမ်းၼမ်ၸွမ်းၶဝ်လႆႈယူႇ။
ယွၼ်ႉဝႃႈၶဝ်ၼႆႉ ပဵၼ်ဢူၺ်းၵေႃႉႁၵ်ႉသူ
ဢၼ်ႁူႉၼႂ်းၸႂ်လိုၵ်ႉလိုၵ်ႉသူ
ၵႂၢမ်းၼမ်တေႃႇၵၼ်မိူဝ်ႈလႂ်ၵေႃႈ ဢမ်ႇမေႃၸႂ်လမ်တေႃႇသူ။
ဢူၺ်းၵေႃႉႁၵ်ႉဢၼ်ဝႃႈၼၼ်ႉ
သင်ဢူၺ်းၵေႃႉၸဝ်ႈၵဝ်ႇ ႁွတ်ႈၽႅဝ်တီႈယိူင်းမၢႆသုင်သုတ်း
ဢၼ်ၸဝ်ႈၵဝ်ႇဢမ်ႇႁွတ်ႈလႆႈၼၼ်ႉဝႆႉၸိုင်
မေႃလၢတ်ႈပၼ်ႁႅင်းဝႃႈ "ႁဵတ်းၼႆၵႂႃႈ ဢူၺ်းၵေႃႉၵဝ်" ၼႆႁေ
ယုၵ်ႉယွင်ႈဢဝ်ၵုင်ႇမုၼ်ၸွမ်းဢူၺ်းၵေႃႉၼၼ်ႉယဝ်ႉ။
ပႅၵ်ႉသမ်ႉဝႃႈ ႁဝ်းမီးဢူၺ်းၵေႃႉ ဢၼ်ၶဝ်ႈၸိုဝ်ႈဝႃႈ ဢူၺ်းၵေႃႉၼႆလၢႆလၢႆၵွႆးၼၼ်ႉ ၼမ်တၢၼ်ႇႁိုဝ်ၵေႃႈယဝ်ႉ သင်ဝႃႈ ပႆႇမီးဢူၺ်းၵေႃႉ ဢၼ်သူပိုတ်ႇဢူၵ်းလၢတ်ႈၼႄ လွင်ႈတၢင်းယၢပ်ႇသူ မိူဝ်ႈသူႁူပ်ႉလွင်ႈတုၵ်ႉသေ ဝႆႉဝၢင်းၸႂ်မၼ်းလႆႈၸိုင် ပွင်ႇဝႃႈ ဢူၺ်းၵေႃႉဢၼ်မီးႁိမး်ၸမ်သူ ဢၼ်သူႁွင်ႉၶဝ်ဝႃႈဢူၺ်းၵေႃႉၼၼ်ႉ ပႆႇၸႂ်ႈဢူၺ်းၵေႃႉၸႅတ်ႈၸၢင်ႇ တွၼ်ႈတႃႇသူၼၼ်ႉယဝ်ႉ။
🙂
Comments
Post a Comment