သင်တေတႄႇၶဝ်ႈႁဵတ်းၵၢၼ်ယဝ်ႉၸိုင်
1- ယႃႇပေတူၺ်း ငိုၼ်းလိူၼ် ဢၼ်တေလႆႈၼၼ်ႉ လွင်ႈလဵဝ်ၵွႆး၊ လဵပ်ႈႁဵၼ်းႁူႉ ႁႃဢဝ်ႁႂ်ႈမီးတူဝ်ထူပ်းဢွၼ်တၢင်းလႄႈ။ 2- သင်ၸဝ်ႈၵဝ်ႇ မီးၼမ်ႉၵတ်ႉတဵမ်ထူၼ်ႈယဝ်ႉၸိုင် ငိုၼ်းၼၼ်ႉ တေလမ်းမႃးၸွမ်းၽၢႆႇလင်ႁဝ်း ႁင်းၵွႆးယူႇ။ 3- ၸဝ်ႈၵဝ်ႇ ၵိုင်ႇငမ်ႇတင်း သဵၼ်ႈတၢင်းၸိူင်ႉႁိုဝ် ထုၵ်ႇလီႁဵတ်းၵၢၼ်သင် ၸိူင်ႉႁိုဝ်တေႉတေႉၼႆၼၼ်ႉ လဵပ်ႈႁဵၼ်းႁူႉဢဝ် ၼႂ်းၼႃႈၵၢၼ် ဢၼ်ၸဝ်ႈၵဝ်ႇလိူၵ်ႈႁဵတ်းၼၼ်ႉတႃႇသေႇလႄႈ။ 4- ၵူၺ်းၵႃႈ လူဝ်ႇလႆႈသိုပ်ႇယၢင်ႈၵႂႃႇၸွမ်း သဵၼ်ႈတၢင်း ဝႃႇသၼႃႇၸဝ်ႈၵဝ်ႇၽွင်ႈယူႇ။ 5- ၵဵဝ်ႇၵပ်းလူၺ်ႈ လွင်ႈပၢႆးႁူႉတၢင်းႁၼ်သေ တေလႆႈၶတ်းၸႂ်ဢၢၼ်ႇလိၵ်ႈၼမ်ၼမ်။ တေလႆႈဢၢၼ်ႇပႃး ၶၢဝ်ႇၵၢၼ်မိူင်း၊ ၵၢၼ်ပၢၵ်ႈမီး ၸဵမ်ၸိူဝ်းၼႆႉ။ 6- ယႃႇပေယူႇမိူၼ်ဝႃႈ လွင်ႈသင်၊ ၽႂ်ပဵၼ်သင်၊ ၸိူင်ႉႁိုဝ်ၵေႃႈလီ ဢမ်ႇၵဵဝ်ႇၵၼ်တင်းၸဝ်ႈၵဝ်ႇၼႆ။ ဝႃႈၼၼ်သေတႃႉ ယႃႇၵႂႃႇၶဝ်ႈၵႅဝ်ၸွမ်း ၼႂ်းလွင်ႈတၢင်းၵူႊလွင်ႈ။ 7- ႁဵတ်းၵၢၼ်သင်သေဢမ်ႇဝႃႈ ၼႂ်းႁွင်ႈၵၢၼ်ၼၼ်ႉ ၶတ်းၸႂ်ႁႂ်ႈၵိုတ်းဝႆႉ ပိုၼ်းႁၢင်ႊလီၸဝ်ႈၵဝ်ႇလႄႈ။ 8- ၵူၼ်းၼိုင်ႈၵေႃႉၼႆႉ တေလႆႈမေႃလဵင်ႉၼမ်ႉၸႂ် ဢၼ်မေႃႁၼ်ပိူၼ်ႈ ပဵၼ်လွင်ႈလီသေ မေႃမီးထၢတ်ႈၸႂ် ၶႂ်ႈႁဵၼ်းႁူႉ လွင်ႈတၢင်းပိူင်ပဵၼ် ၼႂ်းၸၢတ်ႈပၢၼ်ယူႇတႃႇသေႇၼၼ်ႉ...
